Trubaduri

Lyrics

SUZA ZA ZAGORSKE BREGE

V jutro dišeče gda bregi su spali,
a mesec još zajti ni štel.
Potiho sem otprl rasklimanu lesu,
i pinklec na pleča sem del.
Stara je mati, išla za menom,
nemo vu zemlu gledeč.

Ni mogla znati kaj zbiram vu duši,
I zakaj od včera nis rekel ni reč.
Preveč smo toga povedat si šteli,
A vse smo pozabili več.


Gda smo vre prešli kre najzadnje hiže,
v suzah najemput sem bil.
Kaj ne bi to vidla stara mi mati,
z rukama lice sem skril.
Svud oko mene, su dišale rože,
i bil je rascveteni maj.

A ja nis ni jemput pogledal za sobom,
Od tuge nis mogel pozdraviti kraj,
Samo sem bregima starim obečal
Da vrnul se bum nazaj.
Samo sem bregima dragim obečal
Da vrnul se bum nazaj.